MeeraBai Wallpaers With Hindhi Quotes

Free Download MeeraBai HD Wallpaers, And Hindhi Quotes

जागो बंसी वारे जागो मोरे ललन।

रजनी बीती भोर भयो है घर घर खुले किवारे।

गोपी दही मथत सुनियत है कंगना के झनकारे।

उठो लालजी भोर भयो है सुर नर ठाढ़े द्वारे ।

ग्वाल बाल सब करत कोलाहल जय जय सबद उचारे ।

मीरा के प्रभु गिरधर नागर शरण आया कूं तारे ॥

मैं तो तेरे भजन भरोसे अबिनासी॥

तीरथ बरतते कछु नहीं कीनो। बन फिरे हैं उदासी॥ 

जंतर मंतर कछु नहीं जानूं। बेद पठो नहीं कासी॥

मीराके प्रभु गिरिधर नागर। भई चरणकी दासी॥

तोती मैना राधे कृष्ण बोल। तोती मैना राधे कृष्ण बोल॥

येकही तोती धुंडत आई। लकट किया अनी मोल॥

दाना खावे तोती पानी पीवे। पिंजरमें करत कल्लोळ॥

मीराके प्रभु गिरिधर नागर। हरिके चरण चित डोल॥ 

पिहुकी बोलिन बोल पपैय्या॥

तै खोलना मेरा जी डरत है। तनमन डावा डोल॥

तोरे बिना मोकूं पीर आवत है। जावरा करुंगी मैं मोल॥

मीराके प्रभु गिरिधर नागर। कामनी करत कीलोल॥

बन्सी तूं कवन गुमान भरी॥

आपने तनपर छेदपरंये बालाते बिछरी॥

जात पात हूं तोरी मय जानूं तूं बनकी लकरी॥

मीराके प्रभु गिरिधर नागर राधासे झगरी बन्सी॥

लाज रखो तुम मेरी प्रभूजी। लाज रखो तुम मेरी॥

जब बैरीने कबरी पकरी। तबही मान मरोरी॥

मैं गरीब तुम करुनासागर। दुष्ट करत बलजोरी॥

मीराके प्रभु गिरिधर नागर। तुम पिता मैं छोरी॥

हरि तुम कायकू प्रीत लगाई॥

प्रीत लगाई पर दुःख दीनो। कैशी लाज न आई॥

गोकुल छांड मथुराकु जावूं। वामें कौन बढाई॥

मीराके प्रभु गिरिधर नागर। तुमकूं नंद दुवाई॥

राधा प्यारी दे डारोजी बनसी हमारी॥

ये बनसीमें मेरा प्रान बसत है वो बनसी गई चोरी॥

ना सोनेकी बन्सी न रुपेकी। हरहर बांसकी पेरी॥

घडी एक मुखमें घडी एक करमें। घडी एक अधर धरी॥

मीराके प्रभु गिरिधर नागर। चरनकमलपर वारी। राधा प्यारी दे०॥

मोरे लय लगी गोपालसे मेरा काज कोन करेगा॥

मेरे चित्त नंद लालछे॥

ब्रिंदाजी बनके कुंजगलिनमों। मैं जप धर तुलसी मालछे॥

मोर मुकुट पीतांबर शोभे। गला मोतनके माल छे॥

मीराके प्रभु गिरिधर नागर। तुट गई जंजाल छे ॥

कठण थयां रे माधव मथुरां जाई। कागळ न लख्यो कटकोरे॥

अहियाथकी हरी हवडां पधार्या। औद्धव साचे अटक्यारे॥

अंगें सोबरणीया बावा पेर्या। शीर पितांबर पटकोरे॥

गोकुळमां एक रास रच्यो छे। कहां न कुबड्या संग अतक्योरे॥

कालीसी कुबजा ने आंगें छे कुबडी। ये शूं करी जाणे लटकोरे॥

ये छे काळी ने ते छे। कुबडी रंगे रंग बाच्यो चटकोरे॥

मीरा कहे प्रभु गिरिधर नागर। खोळामां घुंघट खटकोरे॥